Welkóm op de sait van CV "De Graasbörgers", de vastelaovesvereniging oet 't Graasboerriek. Veur emes dae neet wèt wo 't Graasboerriek ligk; ’t ligk in de taille van Limburg, ingeklemp tösje Pruusjes en de Riekswaeg van Zitterd noa Remunj en trök.

Dees sait is sjplinternuuj! Weer gaon d'rveur zörge det 't hie bènnekort wemelt van informasie euver ôs, oos aktiviteite, oos leeje, oze Prins, oos Graasboerin, oos Jeugprinses en nog väöl mieë. Weer wunsje uch väöl plezeer op oos nuuj sait.

Höb geer opmerkinge, foto's of ein idee veur dees sait den kènt geer dit kwiet door eine elektrisje breef te tiepe nao: redaksie@graasboerriek.nl.

Welkom op de site van CV "De Graasbörgers", de carnavalsvereniging van Susteren. Voor de enkeling die niet weet waar Susteren ligt; Susteren ligt in de taille van Limburg, ingeklemd tussen enerzijds Duitsland en anderzijds Rijksweg N295 tussen Sittard en Roermond en terug.

Deze website is splinternieuw! Wij gaan er voor zorgen dat je hier binnenkort tal van informatie aantreft over onze vereniging, onze activiteiten, onze leden, onze Prins, onze Graasboerin onze Jeugdprinses enzovoort. We wensen u veel plezier op onze nieuwe site.

Heeft u opmerkingen, foto's of een idee voor deze site, stuur dan een mail naar: redaksie@graasboerriek.nl.

 

 

 

 

Welkóm op de sait van CV “De Graasbörgers”.

Welkóm op de sait van CV "De Graasbörgers", de vastelaovesvereniging oet 't Graasboerriek. Veur emes dae neet wèt wo 't Graasboerriek ligk; ’t ligk in de taille van Limburg, ingeklemp tösje Pruusjes en de Riekswaeg van Zitterd noa Remunj en trök.

Dees sait is sjplinternuuj! Weer gaon d'rveur zörge det 't hie bènnekort wemelt van informasie euver ôs, oos aktiviteite, oos leeje, oze Prins, oos Graasboerin, oos Jeugprinses en nog väöl mieë. Weer wunsje uch väöl plezeer op oos nuuj sait.

Höb geer opmerkinge, foto's of ein idee veur dees sait den kènt geer dit kwiet door eine elektrisje breef te tiepe nao: website@graasboerriek.nl.

 
GRAASBOERIN SYLVIA II

Graasboerin Sylvia II 2012

Leef graasboere en graasboerinne!

Es ech Zösters maedje woor ‘t veur mich eine groate ieër óm gevroag te waere óm de nuuj graasboerin van 2012 te zeen.

Wie Herman mich belde moos ich van hem d’r mèr effe good euver naodenke en mit miene minsj euverlègke. Nae ich höb d’r neet euver nao hove dènke en wós auch zeker det mien wederhelf det net zoa wiej ich fantasties zou vènje.

En hiej sjtoan ich den, kloar óm d’r same mit mien prinse Julien en Mark eine geweldige vasteloavend van te make.

41 jaor geleje bön ich gebaore oppe Deetersewaeg.Mien mam kump oet Doonder en miene pap is eine echte graasboer.

Hae sjtóng hiej 49 jaor geleje op dees buhn es prins Hein de ieëste. Ich denk den auch det hae vanaovend hartsjtikke greuëtsj op mich is.

Miene broor Ruud is in 2008 prins carnaval gewaes in Neeritter dus ich kèn waal sjtèlle det ‘t vasteloavesblood mich mit hoage sjnelheid door de aore sjtruimp.

Ich bön getrouwd mit eine foetelaer, mèr dae höb ich sins weer in de Mehre wone geïntegreerd in ‘t Zösters Graasboerriek. Weer wone in die fantastiese buurt mit ós twieë kènjer en twieë hunj en höbbe dao eine geweldige groep vrunj óm ós haer.

Auch wirke doon ich in ‘t Graasboerriek. Mer dao kènt geer mich waal baeter neet te dèks zeen, want det is bie de apotheek in Zöstere.

Es de elfde van de elfde d’raan kump bön ich jeder waek aanwezig op de repetisie van de Zaate Hermenie van de brandjwaer Valsj Alarm. Mit mien tuba in de henj heuër ich den aan wie die club de sjoonste vasteloavesleedjes droet bleus.

Auch det is eine geweldige groep. Ich mót ze allein nog laote weite det ze nog twieëj waeke höbbe óm miene vastelaoveswage te boewe.

Leef luuj, genóg gezeiverd.

Loat ‘t fieës noe mer beginne, want dees graasboerin zèt de vastelaovend in vuur en vlam!

Graasboere alaaf In de Mehre alaaf Valsj alarm alaaf
 
JEUGPRINS MARK II

Jeugprins 2012

Allerleefste Graasbuurkes en Graasboerinnekes

Jao geer zeet ’t hieël erg good
hie sjtruimpt ‘t richtig Zösters blood.
De nuuje jeugdprins 2012
sjtuit hie noe eindelik zelf!

Wat bön ich gruuetsj en blie tegeliek
om es MARK de 2e van ’t Graasboerriek,
drie daag langk veurop te gaon
en baove op dae wage te sjtaon.

Ich kèn d’r neet genóg van kriege,
mer wat woor ’t lestig óm te zjwiege.
En toen ich nao de prinsepakwinkel ging,
woor ’t sjpannend of d’r emes óm ‘t heukske sjting.

Ich höb d’r lang nao oet moge kieke
en väöl vraoge kènne ontwieke.
Noe is ’t zoa wiet, noe begint de rit,
mit de vraog aan uch: doot allemaol mit ?!

Alle kènjer van Zöstere en zeker van “In ’t Park”:
sjtaot neet sjtil en gaot mit Prins Mark!
Kóm voetballers van Zöstere en veural de E1:
sjtap mit mich mit in dae Vastelaovestrein!

De jeugdharmonie: dao is het ech vet,
dao sjpeel ich lekker op mien trompet!
Mer noe ff neet want ich höb ’t te drök
en auch de jeugdraod zit mit ein laeg krök.

Braaf Lestig: mien zaate hermenie.
Dao löp groat en klein same in de rie.
En ich höb al dèkker zitte houpe
det geer ens veur miene wage op moog loupe!

Noe is ‘t zoa wiet, kom achter mich aan!
den gaon weer same d’r taegenaan!
’t Road-gael-greun zunke, dét geit noe sjiene
want déze vastelaovend: dét wurt de miene!


BS In ‘t Park ALAAF
De Jeugdraod ALAAF
Sjportklup Zöstere ALAAF
Harmonie St.Cecilia ALAAF
De Graasbörgers ALAAF
Braaf Lestig ALAAF
Zöstere ALAAF

Zöstere, 29 januari 2012
Prins Mark de 2e
 
PRINS JULIEN I

Prins Julien I

Allerbèste Graasboere en Graasboerinne,

Het is al laat, dus ich zal gauw beginne.
Ein nuuj sezoen, ein anger gezich,
det is effe wènne, veur uch mer auch veur mich.
Paars is ingeruuld veur sjoan road,
en dao zeen de jonges en maedjes van Sjiet Egaal noe good mit gekloat.
Mer gezeen door de uig van eine leek,
sjtuit hie nog sjteeds eine jong mit eine scepter en ein sjteek.
Ein medaaje mit ’t logo van de Graasbörgers d’r op,
en ein sjtel vaere die fier wappere baove miene kop.
D’r is ein dingk wat al die verseersele neet kinne verberge,
dus det zal ein bietje aanpassingsvermoge van uch verge:
Zelfs in de sjonste vastelaovespekskes
Lieke mien bein net lucifersjtekskes!
Gelökkig zeen det mer biezake,
het eurnaamste is tot auch ich d’r same mit uch eine sjieke vastelaovend van gaon make.
Hie te mooge sjtaon maak mich trots en blie,
zeker mit mien maedje aan mien zie.
En mit uch allemaol in deze sjoane zaal,
vraog mer aan de auwt prinse dao, die kènne det geveul auch waal.
Tot sjlot wurt van de nuuje prins ein liefsjpreuk verwach,
ein die zörg veur eine glimlach.
Daoveur val ich truuk
op ein aw en bepreufde truc:
Geweuën jatte van awt-prins Luc
Dae zag hie veurig jaor
mit ein verwiezing nao de kleuër van zien haor:
Drie daag knoaje
mit dae roaje.
Mer… bie Sjiet Egaal geit det knoaje van allein
det duit bie os neet eine, mer ech ederein!
Ich sjtaon daorom garant
veur deze variant:
Drie daag knoaje
mit DIE roaje!
Netuurlik höb ich op eige krach
zelf nog ein paar aanjpraekende leuze bedach:
Ich belaof uch, wer hawte ’t besjaaf,
mer auch weer neet al te braaf.
De ieëste is enne variante op eine populaire vastelaoveshit,
es dae wurt gedrejd den zungk meistal ederein mit.
Dit jaor gein drie daag sex mit dae kale,
mer rempetempte mit dae sjmaale.
En den bedoel ich netuurlik op die trööt,
anges krieg ich drek al van Albaer euver mien nööt.
Leef luuj, gaot nog efkes neet weg,
want hie is mien motto den ech:
Raap al uch trommele en trööte biejein,
en doot allemaol mit, want deze vastelaovend is van ederein!