Allerbèste Graasboere en Graasboerinne,

Hie sjtuit ich den veur uch, de 69e prins, es nuuje heerser euver ut Graasboerriek,
Ziene Hoage Hooglustigheid Prins Roy den twieëde.
Eine groate wunsj van mich is noe oetgekomme,
Mér neet allein dae van mich…. Hè, pap !

Waat ein ieër om dit jaor hie in Zöstere veurop te moge gaon,
Om same mit mien maedje Anouk en uch allemaol vastelaovend te moge viere.
Väöle van uch hauwe 't mesjien waal noajt verwach
Mér ich, ich woor sjtil aan ut haope, en al hieël get kieëre dao aan gedach

Gebaore oppe Hei, es zoon van Henk en Ria Swilles,
Getaoge oppe Tunnelsjtraot same mit zösters Silvie en Jennie
Wonend noe nog lekker thoes bie mam en pap
En sinds ein paar waeke trotse paeter-noonk van Ties.

Same bön ich alweer bienao 2 jaor mit mien maedje Anouk,
Ein Käterke oet Houtem en de auw sjötte-keunegin van ut veurig jaor.
Wirkzaam bön ich in ut verveur, bie Salari Transport in Zitterd,
Wo ich mich dageliks mit van alles en nog get bezig hauwt, ein richtig menke veur alles en nog get.

Fieëste en vastelaovend viere is mich van thoes oet gegaeve,
Lid van de sjötte van de Hei, mér auch van det eine klupke: mien vrunjegroep De Verkes.
Jonges en maedjes van Verkes, geer mot noe wiejer boewe aan de wage zonger mich.
Mér ich weit auch det geit hieëlemaol good komme.

Ich begin doos te kriege en gaon den noe auch sjtil aan sjloete,
Allerbeste Graasboere en Graasboerinne,

Dit Verke, same mit uch Graasboere, handj-in-handj,
Vastelaovend same!
Hie in ós Zösters-landj!

Graasboere en Graasboerinne, Alaaf
De Verkes, Alaaf
De Graasbörgers, Alaaf

Image

Geef een reactie

Het e-mailadres wordt niet gepubliceerd. Vereiste velden zijn gemarkeerd met *